其實於十月尾已經收到這部簽約的NDS了! 當然無顏色可以揀, 所以.....是白色的了! 但...無所謂, 有得玩就OK啦! (有時覺得我一個師奶仔搭車時拎住個NDS玩, 會唔會有點奇怪呢?!! 這個好樣是後生仔玩意咁.....但我想太多了! 因我都仲後生嘛~ 後生仔玩意.....哈哈...即是我的玩意啦~!

(閱讀全文)

早前電盈打電話來屋企, 想與我們續家居電話線合約, 但當時的續約禮物又唔太吸引, 如要回贈又只得$11蚊, 所以便決定用住先而不續約了! 成日都覺得電盈, NOW, 網上行, 呢成個集團好黑人憎, 成日都真係唔想再用他們的服務! 但......問題是....電盈的電話線以及網上行雖然貴, 但又真的是較穩定...... 唉....次次都是死死地氣的與他續約! 我都真是無鬼用呀!

昨日......終於打了電話去電盈與他們續了兩年約! 為什麼呢? 嘻嘻.....是我想加$650 換一部NDS囉!

近排成日見渣渣打PSP打得好開心, 我都是不要與他爭PSP玩了! 好啦.....就簽約換啦! 但為何話這件事古惑呢?? .... .... 因為電話費是叻媽付的嘛!! 哈哈哈...... (不過換購的這$650, 我當然會付給叻媽啦! 我未至於無人性至此既!! 嘻嘻)

這是我早前與渣渣一同上山頂時所拍的夜景!

那天很熱很熱, 但估不到.....竟然當晚的夜景這麼漂亮!!! 很久很久都沒有看到這樣清, 這麼漂亮的香港了!!

 這張相是用我的手提電話所拍的....效果也不錯哦!

我喉左老細的asiamiles半年了!! 嘻嘻....早兩日, 老細又再一次同我講, 叫我用他的asiamiles換機票去旅行, 因為他有部份的milage今年年尾到期, 所以就叫我用了!

嘻嘻.....今日, 我終於上網book了30/12 - 3/1 的台灣機票了! (雖然上次去完, 鬧到人家地方九彩, 又話悶又話無野好去!! 但......真係好掛住佢個溫泉!! 所以決定再去!) 真好, 今年年尾除夕又不用想地方去慶祝了! 又可以出去旅行, 正呀!

今次..........必去的地點是, 北投溫泉同埋台北的動物園!!

仲有邊度去呢??? 有無好介紹??

唉......一看就中毒了!!

當然會中毒啦!! 你睇下.....劇中男主角靚仔成咁!!!! 一路睇一路諗番起以前讀書時的生活及發生過的事, 真的有少少投入劇中的感覺!! 如果一生之中都有一個好似男主角這樣的人在身邊, 真的是死而無憾了!!!

我真的是超愛看"花樣少年少女"哦!! - 當然.....我呢個師奶仔....真是超愛吳尊哦!!

http://www.wretch.cc/blog/wuchun10cool

當你看過他的blog, 可能你欣賞的不只是他的外表了! 原來他是一個很有內涵, 很有教養的人, 不是一般可以裝出來的!

WU CHUN 加油哦~~!

渣渣等了這封信等得好心急, 他說焦急到髲線都向後移了.......其實.....一直個髲線都不是前的!!

話說渣渣做了這份工多年, 但多年來都是合約員工, 多年來都受著同工不同酬, 還有那些不平等的待遇! 多年來他都忍受而不轉工, 就是等這一天, 等曾特首批准請人, 申請做一個正正式式的長工! 足足等了五年了!!

雖然都未話正式聘用渣渣, 但渣渣上星期入了申請表, 到昨天才收到署方寄來話確認收到申請表的信(渣渣的同事上星期已開始陸續收到信, 渣渣一直都未收到, 所以好焦慮!) 我們都很開心............已經踏出成功的一小步哦!!!

所以今個新年都不太開心!!

雖然我與你相識不太久, 就只是我同渣渣一起後才認識妳, 但妳一直都對我好好, 縱使我未同渣渣結婚, 妳還是當我是妳的一家人! 結婚後, 當然我們真的是一家人, 妳愛護我就如愛護渣渣一樣, 我真的很感激!

(閱讀全文)

雖然今日係冬至, 但我到而家都仲未收得工, 仲話有得早走...唉...不過, 我今日好勤快咁做左好多野喇, 所以我決定最遲4:30走人!!

今晚同屋企人食完冬至飯後, 我同渣渣就要立即回家o拿o拿聲咁執晒間屋的物件, 預備明早搬屋了!

經過上次的不幸事件, 我們終於決定搬返老家與叻媽一起住了, 有咩事都有個人照顧, 都是一件好事! 但亦都好考我們的耐性! 希望我們三個都可以相處和洽, 我們可以對老人家多一點耐性啦!!

由於這幾天都忙於搬屋及執拾, 所以我都在此同大家講多聲『聖誕快樂!!!』

(閱讀全文)

上星期, 渣渣同我講...........有『實派』呀!! 吓???? 有咩派話?? 佢話:『實派』來的, 本來想遲一點先話你知, 不過如果你今晚乖乖地, 我下個月就放早啦!!

哈哈........原來這樣的『實派』(surprise!)

好開心, 今個十二月又可以同老公一齊食晚食了!!

但今日下午食得好飽...點諗今晚煮咩呢?!!!

星期日晚, 同家人食完晚飯, 睇完台慶, 望出窗外.......咦????!!!!

點解咁既???

(閱讀全文)

我滿心以為過了九月尾可以將這個幾月來的秘密公告天下, 點知......竟然突然換來一個惡耗, 原來"你"已悄悄地離我們而去了, 我竟然一點也不知道! 原以為安排好星期一入院再來看看你, 點知.........

星期日就有點不詳的事情發生了, 急急地入院, 未上到病房你已急不及待的走了...........................原來傷心都無用.....!!

不過我知道"你"很快會再來臨!!! 我與渣渣都無事了, 只期待"你"下次的再來!!

p.s. 今日是渣渣的生日....."HAPPY BIRTHDAY" 老公!!

由於叻媽所住的屋苑現正進行大維修, 所以她都決定為老家大執一番!! 經過一個半月的痛苦生活之後, 叻媽終於都可以於昨天搬回家中了!!

點解叻媽咁痛苦呢?? 其實.........我覺得已經係好好彩的了! 本來安排了叻媽來我家住個半月的, 但叻媽覺得我屋企太細, 好難再住多一個人, 佢又會無晒私隱, 又怕煩住我們 (其實可以係怕我們煩住佢!!) 咁好彩她有一個住樓上的朋友, 亞朋友個仔在附近有一層樓可以比我們放傢具及比叻媽住, 其實我覺得已經好好的了!! 但叻媽又住唔慣, 隔離屋的3個小朋友又不停不停由早到晚的嘈,好煩......叻媽又煮唔到飯,所以覺得好辛苦, 瞓都瞓得唔好!!

而這個裝修的過程中, 我們一家人都有幾次意見不合, 雖然間屋只有叻媽一個人住, 但她自己又無主見, 任何事問她的意見, 她都會講"你話呢? 我咩都無所謂" 我每次聽完之後都真係激到想打人!! 所以我多事都由我決定, 好多傢具都由我與她一起去揀!

昨日早上, 我們差可多全家總動員一起為叻媽搬屋 (好彩早上搬咋!!一搬完就開始落雨了!)  今晚終於都安埋燈飾,裝埋衣櫃及送埋梳化, 到明天及星期六裝埋煮食爐及洗衣機後就大功告成了!!

今晚我同叻媽坐在新梳化, 看著我很喜歡的大廳水晶燈以及今次的新裝修, 我覺得之前所有唔開心的事都已經唔重要了!!

不過.......我個荷包有少少傷,因我負責了今次傢俬這一項哦!!

點解我咁大感觸呢??? 因此工廠的假期直接會影響到我的假期嘛!!!我是一個懶人,當然香港的假期我會放,大陸的假期我都一樣會放啦!! 哈哈.....

當年我剛做這份工時, 勞動節及國慶都來大假, 我都會放一個星期的! 但現在......工廠的生意愈來愈好, 就算大節的假期, 工廠的工人都只放兩,三天! 可是他們為了大節放假, 之前的一個星期日就要趕工出貨, 那平時休息的星期日,又變成要上班!!! .......那變相只休兩天咋!!! 真的很可憐哦!! 相比起在香港工作的同事 - 我, 我想他們可能會覺得我好幸福, 同埋好懶!! 哈哈~~~

昨天是工廠的最後一日勞動假期, 我在香港都很清閑, 所以昨天我都放了自己一個下午的假........呢個決定我香港老細都好贊成! 佢仲話你根本朝早都唔好返嘛......可以慳番D車錢呀!! 哈哈~~~ 咁好的一份工, 咁好的一個老細, 再可以去邊度搵呢????

P.S. 不過如果可以加多D人工就更PERFECT了!! 嘻嘻~

最近公司比較忙, 而家裡亦都有少少煩事!! 因叻媽的屋苑要做外牆維修, 而洗手間入面的污水渠又會搬出外牆, 那即是洗手間都會被拆到闌晒!! 叻媽決定借勢來一個全屋大裝修了!! 洗手間, 厨房要整過晒, 牆紙不要, 換過晒地板, 真的很大工程哦!!

(閱讀全文)