上星期三是渣渣的生日, 雖然今年我生日的時間, 我怪渣渣沒有用心思, 在我怪他的同時, 我都檢討自己, 自己又有無想定地方與他去慶祝呢?! 無.....?! 所以就立即想了!

由於當日早上有少少公事, 所以一早出去辦妥後, 便約了渣渣在尖沙咀等, 因為......之前買給他的生日禮物....我與他都覺得麻麻地, 所以去了LCX 換款!

換完後, 我便與他一起去MEGABOX了!! 哈哈.....真是OUT精呀! 個商場開了這麼久, 我們還是未去過, 見當日是平日, 應該不會迫人了, 所以這便是與渣渣慶祝生日的節目了!!

一去到......好肚餓, 立即去醫肚!!

揀到一間去上海姑娘的上海菜館!!

你看.....裝修同氣氛都幾好呀! 午餐的價錢未不貴, 一個餐都是$38, 好抵.....有好多野食!

我們要了2個午餐, 加多一個小蘢包, 都是一佰多元! 小蘢包, 煎餃子, 雪菜肉絲麵都好好味! 而個獅子頭都OK, 但個菜飯同個豆腐湯就麻麻…..但我覺得這間店的水準也不錯了! 好想下次再來食飯!